Galt Niederhoffer

Galt Niederhoffer (e lindur në 1975) është një producente filmi dhe romanciere amerikane. Kreditet e saj si producente filmi përfshijnë Prozac Nation (2001), Lonesome Jim (2005), The Baxter (2005) dhe Grace Is Gone (2006). Ajo është një nga drejtuesit në Plum Pictures.

Romani i saj autobiografik A Taxonomy of Barnacles (2005) mbi rivalitetin mes gjashtë motrave është përshkruar nga disa kritikë si "i çmendur dhe i mençur", ndërsa nga të tjerë si "i marrë dhe i sajuar". Fundi befasues i librit u pasqyrua në jetën reale kur babai i saj pati një fëmijë të shtatë, një djalë, një vit pas publikimit të librit.

Romani i saj i dytë, The Romantics, për shokët e kolegjit që ribashkohen gjashtë vjet pas diplomimit për të krahasuar përparimin e tyre të vogël drejt qëllimeve të rëndësishme të jetës dhe për të rinovuar rivalitetet e mëparshme, u publikua në vitin 2008 nga St. Martin's Press. Një film me Katie Holmes, Adam Brody, Malin Akerman, Elijah Wood, Josh Duhamel dhe Anna Paquin pritet të dalë më 10 Shtator 2010.

Ajo jeton në qytetin e New York-ut me bashkëshortin e saj James Strouse, vajzën Magnolia dhe djalin Grover. Ajo është vajza e menaxherit të fondit të investimeve Victor Niederhoffer dhe Gail Niederhoffer. Ajo ka ndjekur Shkollën Chapin, Akademinë Milton dhe Universitetin Harvard.

Nga Wikipedia, enciklopedia e lirë.