Stuart McCall (1964 )

Andrew Stuart Murray McCall (lindi 10 qershor 1964) është trajner profesional i futbollit dhe ish-lojtar. McCall luajti në total 763 ndeshje në ligë dhe në 40 ndeshje të plota ndërkombëtare për Skocinë gjatë karrierës së tij si lojtar.

McCall filloi karrierën e tij me Bradford City, ku bëri...

Andrew Stuart Murray McCall (lindi 10 qershor 1964) është trajner profesional i futbollit dhe ish-lojtar. McCall luajti në total 763 ndeshje në ligë dhe në 40 ndeshje të plota ndërkombëtare për Skocinë gjatë karrierës së tij si lojtar.

McCall filloi karrierën e tij me Bradford City, ku bëri debutimin e tij në ekip në vitin 1982. Ai luajti gjashtë sezone në Valley Parade, gjatë së cilës kohë fitoi kampionatin e Divizionit të Tre, një titul i cili u shoqërua nga zjarr i stadiumit të Bradford City ku vdiqën 56 persona dhe ku u lëndua babai i tij Andy. Pas dështimit për t’u ngjitur në promovim në vitet 1987–88, McCall kaloi tek Everton, ku shënoi dy gola por përfundoi në anën e humbjes në Finalen e Kupës FA të vitit 1989. Në vitin 1991, ai u transferua tek Rangers, me të cilët kaloi shtatë sezone dhe fitoi pesë tituj në ligë, tre Kupat Skoceze dhe dy Kupat Skoceze të Ligës. McCall u kthye tek Bradford City si kapiten për t'i çuar ata në divizionin më të lartë të futbollit anglez për herë të parë pas 77 vjetësh. Pas katër sezoneve, ai transferohej tek Sheffield United, ku u pensionua si lojtar në vitin 2005.

I lindur dhe i rritur në Angli, McCall u kualifikua për të luajtur për Skocinë përmes babait të tij skocez. Ai fitoi 40 thirrje ndërkombëtare dhe shënoi një gol në Kupën Botërore FIFA 1990 në Itali. Ai gjithashtu luajti në dy Kampionate Europiane, por karriera e tij ndërkombëtare mbaroi pasi u përjashtua nga skuadra e Kupës Botërore të vitit 1998.

McCall ishte pjesë e stafit të trajnerëve gjatë periudhës së dytë si lojtar tek Bradford City, duke shërbyer shkurtimisht si trajner-udhëheqës lojtar në vitin 2000. Ai vazhdoi trajnimin e tij tek Sheffield United dhe ishte asistent trajneri i Neil Warnock deri në maj 2007, kur u kthye tek Bradford City si trajner i tyre. Ai qëndroi dy e gjysmë sezone në drejtimin e Bradford City, duke u larguar në shkurt të vitit 2010. Përpara fundit të vitit 2010, u emërua trajner i Motherwell. Ai qëndroi në Fir Park për katër vjet, duke ndihmuar klubin që të përfundojë i dyti në ligë dy herë. Pas një fillimi të dobët të sezonit 2014–15, ai dha dorhë në nëntor të vitit 2014. McCall u emërua trajner i Rangers në mars të vitit 2015, por u largua nga klubi në fund të kontratës së shkurtër.

McCall u kthye tek Bradford City për një periudhë të dytë si trajner në qershor të vitit 2016. Ekipi arriti në finalen e playoff-it në sezonin e tij të parë, por humbi dhe ai u pushua në shkurt të vitit 2018. Pas një periudhe të shkurtër tek Scunthorpe United, McCall u emërua trajner i Bradford për herë të tretë në shkurt të vitit 2020.