Manolis Glezos (1922 - 2020 )

Manolis Glezos (Greqisht: Μανώλης Γλέζος; 9 shtator 1922 – 30 mars 2020) ishte një politikant majtist, gazetar, shkrimtar dhe hero popullor grek, i njohur më së shumti për pjesëmarrjen e tij në rezistencën e Luftës së Dytë Botërore.

Në Greqi, ai mbahet mend më së shumti për tërheqjen e Flamurës...

Manolis Glezos (Greqisht: Μανώλης Γλέζος; 9 shtator 1922 – 30 mars 2020) ishte një politikant majtist, gazetar, shkrimtar dhe hero popullor grek, i njohur më së shumti për pjesëmarrjen e tij në rezistencën e Luftës së Dytë Botërore.

Në Greqi, ai mbahet mend më së shumti për tërheqjen e Flamurës së Gjermanisë Naziste nga Akropoli gjatë okupimit të Greqisë nga Aksisi, së bashku me Lakis Santas. Pas përfundimit të okupimit, besimet e tij politike majtiste dhe aktiviteti i tij e çuan atë në dënim me vdekje tri herë; burgimet dhe probleme të tjera ligjore ishin shpesh temë e interesit ndërkombëtar, deri në lirimin e tij të përhershëm në vitin 1971.

Që nga rivendosja e demokracisë në vitin 1974, ai ishte aktiv si politikan, duke u bërë Deputet i Parlamentit Grek për parti të ndryshme majtiste gjatë viteve. Në vitin 2014, në moshën 91-vjeçare, ai u bë Deputet i Parlamentit Evropian për herë të dytë në jetën e tij, për partinë Syriza, duke e bërë atë anëtarin më të moshuar që është në Historia e Parlamentit Evropian. Ai gjithashtu ishte kandidati më i votuar në Greqi.

Glezos ishte një gazetar me çmime, dhe punoi si kryeredaktor dhe redaktor për gazetat majtiste Rizospastis dhe I Avgi, të cilat janë të njohura edhe sot; ai gjithashtu botoi gjashtë libra.