Ina Marija Bartaitė → Ina Marija Bartajte (1996 - 2021 )

Ina Marija Bartaitė (2 maj 1996 – 7 prill 2021) ishte një aktore filmi nga Lituania. Ajo ishte e njohur për, ndër të tjera, filmin "Paqe për Ne në Ëndrrat Tona" dhe "Dita e Senekës"

Që në moshë të re, Bartaitė ka ndjekur hapat e babait të saj, Šarūnas Bartas, duke luajtur në shumë filma dhe duke e shoqëruar atë në shumë ceremonia ndarjeje çmimesh. Filmi i parë në të cilin Bartaitė ka marrë pjesë ishte "Visions of Europe". Një film antologji me një koleksion projektesh të shkurtra nga regjisora të ndryshëm. Babai i saj vetë e drejtoi dhe e shkroi segmentin "Children Loose Nothing", në të cilin Bartaitė ka luajtur

Në vitin 2016, në Festivalin Ndërkombëtar të Filmit në Vilnius, Kino pavasaris, Bartaitė u nominua për Aktoren më të Mirë Lituaneze për rolin në filmin "Paqe për Ne në Ëndrrat Tona". Së fundmi, Bartaitė ka luajtur një rol në filmin e Bojena Horackova, "Walden". Kjo është një histori për vajzën e re Jana, e cila luhet nga Bartaitė, e cila pas njëzet e pesë vjetësh ekzili në Paris kthehet në Vilnius, duke dëshiruar të gjejë liqenin që Paulius, dashnori i saj i parë, e quajti "Walden"

Bartaitė i përfundoi vitet e saj të shkollës së mesme në Vilnius dhe më pas vazhdoi studimet në Universitetin e Vilnius për Filologji Frënge. Ajo më pas u specializua në aktrim në Paris. Në momentin e vdekjes së saj, Bartaitė jetonte në Valakampiai me gjyshen e saj të sëmurë, e cila e kishte rritur që nga lindja. Në një intervistë, Bartaitė kishte deklaruar se fliste frëngjisht dhe se udhëtonte shpesh në Paris, pasi motra e saj Anastasija jetonte atje, me të cilën fliste frëngjisht. Ajo gjithashtu tha në të njëjtën intervistë se nuk kishte menduar kurrë të bëhej aktore, deri sa babai i saj sugjeroi që të ishte në një nga filmat e tij, duke thënë: "Ishte një ide për ta jetuar, dhe unë vendosa të merrja pjesë."

Ajo ishte vajza e vetme e Šarūnas Bartas dhe Yekaterina Golubeva. Bartaitė vdiq në vendin e ngjarjes së një përplasjeje trafiku më 7 Prill 2021, në moshën 24 vjeçare