Hugo Sánchez → Ugo Sanchëz (1958 )

Një përfundues i paqenësishëm. Meksikani ka qenë një nga sulmuesit më të mirë në historinë e Real Madridit. Ai ishte maja perfekte e atij ekipi të drejtuar nga Quinta del Buitre. Ai jetoi një nga epokat e arta të klubit tonë dhe tifozët ende e kujtojnë përfundimet e tij akrobatike dhe rrotullimet në çdo festim. Ai mbërriti në Santiago Bernabéu nga Atlético de Madrid. Hugo erdhi, pa dhe fitoi. Sezoni i tij i parë si madridist përfundoi me titullin e ligës, ku ishte golashënuesi më i mirë me 22 gola, dhe me Kupën UEFA. Ishte vetëm fillimi i një liste të gjatë suksesh. Falë, ndër të tjera, efikasitetit të meksikanit, Madridi fitoi pesë tituj të ligës radhazi. Duke dominuar futbollin vendas, ai arriti në dy gjysmëfinale të Kupës së Europës. Nëse gjërat shkuan shumë mirë për të si ekip, e njëjta ndodhi edhe në kategorinë individuale. Hugo fitoi katër Trofe Pichichi dhe një Çmim të Artë me fanellën e bardhë për të mbyllur një periudhë glorike.

I votuar si Futbollisti më i Mirë i Amerikës së Veriut dhe Qendrore i shekullit të 20-të nga IFFHS, ai ka luajtur 75 ndeshje me kombëtaren e Meksikës. Ai ka luajtur në tri Kupat e Botës (Argjentinë, Meksikë dhe SHBA) dhe një Copa América, në 1993, ku përfundoi si nënkampion. Si në Madrid, Hugo Sánchez është një legjendë në vendin e tij.

( Nga realmadrid.com, faqja zyrtare e ekipit spanjoll me të njëjtin emër).