Lui Kuperus (1863 - 1923 )

Louis Marie-Anne Couperus (1863–1923) ishte një romancier dhe poet holandez. Vepra e tij përfshin një gamë të gjerë zhanresh: poezi lirikë, romane psikologjike dhe historike, novela, tregime të shkurtra, përralla, feuilletonë dhe skica. Couperus konsiderohet si një nga figurat më të shquara në letërsinë holandeze. Shumica e romaneve dhe tregimeve të tij zhvillohen ose në Indinë Lindore Holandeze, ku ai kaloi pjesën më të madhe të rinisë së tij, ose në Hagë, qytetin ku lindi, megjithatë puna e tij përmban gjithashtu përshtypje nga Italia, Afrika dhe Kina; frytet e udhëtimeve të tij të palodhur

Couperus arriti famë me publikimin e romanit të tij Eline Vere (1888), një vepër natyraliste e influencuar nga romancierët francezë si Emile Zola dhe Gustave Flaubert. Romani i Couperus-it Noodlot (Hapat e Fatit) i vitit 1891 u vlerësua shumë nga Oscar Wilde. Veprat e mëvonshme të Couperus përfshijnë De Stille Kracht (Forca e Fshehtë, 1900) dhe De Berg van Licht (Mali i Dritës, 1906), një roman dekadent i vendosur në kulmin e Perandorisë Romake

Romani psikologjikë të tij, si De Boeken der Kleine Zielen (Libra e Shpirtrave të Vegjël, 1901-1902) dhe Van Oude Mensen, de Dingen, die Voorbij gaan... (Për të Moshuarit dhe Gjërat që Kalojnë, 1906), patën shumë sukses në vendet anglishtfolëse pas Luftës së Parë Botërore. Romanet e tij historike ishin shumë të njohura në Gjermani. Librat e Couperus shiteshin më mirë jashtë vendit se sa në Holandën e ngushtë dhe kalviniste të kohës së tij